Праект "Сёння я чытаю..." – выдатная магчымасць у анлайн-фармаце падзяліцца сваім меркаваннем аб прачытаных кнігах. Апошнімі кнігамі, якія мы абмяркоўвалі, былі творы "Аднакурснікі" Івана Пяшко і "Калі трашчыць лёд" Алесі Кузняцовай.
У гэтым месяцы мы прапануем вам выбраць любы твор з кнігі Уладзіміра Мікалаевіча Гаўрыловіча "Выбраныя творы".Сімвалічна, што мы звяртаемся да творчасці Уладзіміра Гаўрыловіча менавіта цяпер, напярэдадні такога літаратурнага свята, як Дзень беларускага пісьменства і ў працэсе правядзення XXI Міжнароднага фестывалю-свята "Славянскія літаратурныя Дажынкі", VIII Рэгіянальнага фестывалю літаратуры, культуры, народных традыцый "На зямлі Кірылы Тураўскага" і IX Форуму маладых літаратараў "Слова".
Бо менавіта Уладзімір Мікалаевіч – той чалавек, дзякуючы якому на Гомельшчыне зарадзіліся "Славянскія літаратурныя Дажынкі", якія сталі сёння важнай часткай нашага культурнага календара.
Уладзімір Мікалаевіч з'яўляецца членам творчых аб’яднанняў – Беларускага саюза журналістаў і Саюза пісьменнікаў Беларусі . Лаўрэат многіх рэспубліканскіх і міжнародных літаратурных прэмій. З 2024 года з'яўляецца дэпутатам Палаты прадстаўнікоў Нацыянальнага сходу Рэспублікі Беларусь. Заслужаны дзеяч культуры Рэспублікі Беларусь. Узнагароджаны медалём Францыска Скарыны.
Фаліянт "Выбраныя творы" Уладзіміра Гаўрыловіча выйшаў ў 2026 годзе. У яго ўключаны раман "Цяпло маладзіка" і раман-версія "Па веры вашай..." (Нацыянальная літаратурная прэмія).
У творы "Цяпло маладзіка" апісана нямала падзей, якія сапраўды адбываліся на Палессі ў пачатку Вялікай Айчыннай вайны.
"Па веры вашай..." – твор, падзеі ў якім адбываюцца ў 2020 і 2021 гадах, а таксама дзесяць стагоддзяў таму ў старажытных Тураве, Кіеве і Кракаве, заклікае чытача шанаваць мінулае, каб зразумець сапраўднае, каб клапаціцца пра сваю будучыню і будучыню свайго народа, Айчыны – Беларусі.
"Не, не адна ў яе радасць. Не адна. На самае важнае, дурніца, забылася. Сынок, дачушка, ўнукі. Вось гэта – галоўнае, дзеля чаго жыла і жыве пакуль на белым свеце." "Цяпло маладзіка"
"Густыя лапіны заснежаных соснаў пераліваліся на сонцы. Крыху далей, на пакручастым беразе Сожа, цалаваліся хлопец і дзяўчына. Кавеньку падалося: гэта ж яны з Галінай, яшчэ зусім маладыя, калі любішся і ніяк не можаш налюбіцца. Уздыхнуў і адначасова ўсміхнуўся сам сабе.""Па веры вашай"
Свае водгукі дасылайце на электронную пошту
gercenka@gorbibl.gomel.by альбо публікуйце ў сацыяльных сетках з адзнакай нашага акаўнта
да 25 верасня.Кнігу вы зможаце знайсці ў ЦГБ ім. А.І. Герцена (Советская, 26) і ў бібліятэках-філіялах нашай сеткі
(карта размяшчэння бібліятэк).
Вандруй па кніжным свеце разам з Gercenka!
скачать dle 10.4фильмы бесплатно 
