4 лютага ў цэнтральнай гарадской бібліятэцы імя А.І. Герцэна адбыўся літаратурны час, прысвечаны жыццю і творчасці беларускага празаіка Кузьмы Чорнага. Кузьма Чорны (Мікалай Карлавіч Раманоўскі) – выбітны пісьменнік, яскравы прадстаўнік беларускай прозы, таленавіты драматург і публіцыст, літаратурны крытык і перакладчык. Яго свет быў шматгранны і неабсяжны: разнастайнасць жанраў, веданне чалавечых характараў, любоў да радзімы і каранёў, цудоўнае валоданне народнай мовай, майстэрства псіхолага і разуменне душы Чалавека…
У мерапрыемстве прынялі ўдзел навучэнцы Гомельскага дзяржаўнага каледжу сувязі. Моладзь пазнаёмілася з біяграфіяй пісьменніка, яго літаратурнымі творамі, паслухала цытаты з дзённікаў празаіка. Была прагледжана відэастужка, прысвечаная жыццю і творчасці пісьменніка. Навучэнцы праслухалі твор Кузьмы Чорнага «Маленькая жанчына».
З цікавасцю хлопцы і дзяўчаты паглядзелі відэафрагмент пра знакаміты мемарыяльны музей, прысвечаны Кузьме Чорнаму, які знаходзіцца ў мястэчцы Цімкавічы, дзе прайшло маленства і юнацтва пісьменніка. Навучэнцы мелі магчымасць паслухаць сапраўдны голас Кузьмы Чорнага, які прагучаў у запісе.
Напрыканцы сустрэчы хлопцы і дзяўчаты замацавалі свае веды ў інтэлектуальнай гульні: адказвалі на пытанні, прысвечаныя жыццю і творчасці Кузьмы Чорнага.
Тэкст: бібліятэкар 1 катэгорыі Аніковіч А.В.скачать dle 10.4фильмы бесплатно
