Сёння Масленка – прыляцела ластаўка!

У бібліятэцы-філіяле №2 сустрэлі Масленіцу весела: з песнямі, гульнямі, танцамі і пачастункамі. Гульнёвую праграму “Сёння Масленка – прыляцела ластаўка!” наведалі ўдзельніцы клуба «Акварель» ДУ “Цэнтр сацыяльнага абслугоўвання Савецкага раёна г. Гомеля”.

Гасцей свята парадавалі выступленнем удзельніцы анімацыйнай студыі ДУА “Сярэдняя школа №17 г. Гомеля імя Франсіска дэ Міранды”.

Удзельнікі мерапрыемства пачаставаліся блінамі з варэннем і гарбатай, паслухалі пра традыцыі святкавання Масленіцы на Беларусі, адгадалі загадкі, успомнілі прыказкі пра Масленіцу і пагулялі ў традыцыйныя беларускія гульні. Госці мерапрыемства паўдзельнічалі ў гульнях “Хустачка”, “Блін гарыць”, “Запляці пляцень”, а таксама паспаборнічалі ў пляценні касы з яркіх стужак і трапнасці ў гульні “Вясёлы цір”.

Зіму праводзілі – час і вясну сустракаць. У некаторых рэгіёнах Беларусі ў апошні дзень Масленіцы ўжо вясну “гукалі”: прыбіралі абрадавую ялінку, спявалі вясновыя песні, пяклі “чырачак” і падкідвалі іх да неба.

Госці свята праспявалі песні-вяснянкі, каб зіма хутчэй сышла, а вясна прыйшла!






скачать dle 10.4фильмы бесплатно