У кожнага чалавека ёсць родная мова. У нас – беларуская, бо мы – беларусы. Гэта мова нашых продкаў, прыгожая і мілагучная. Мы павінны ведаць і шанаваць яе з маленства.
Далучыцца да роднай мовы нашым маленькім чытачам дапаможа новы праект бібліятэкі-філіяла №16 “Беларускай казкі праменьчык залаты”. Знакамітыя гамяльчане пазнаёмяць іх з народнымі і аўтарскімі казкамі на беларускай мове.
Кожны выпуск будзе складацца з некалькіх рубрык. Акрамя казкі слухачоў чакае:
► “Беларуска-рускі слоўнік”: кожны раз вядучы будзе тлумачыць незнаёмыя беларускія словы з тэксту казкі, і гэта дасць магчымасць хутчэй іх запомніць;
► “Творчае заданне”: пасля чытання казкі госці будуць прапаноўваць цікавыя заданні, і самыя актыўныя ўдзельнікі атрымаюць магчымасць сустрэцца з цікавымі людзьмі горада і невялікія падарункі. Выкананыя заданні дасылайце на электронны адрас бібліятэкі-філіяла №16: filial16@gorbibl.gomel.by.
► “Кніжныя рэкамендацыі”: супрацоўнікі бібліятэкі будуць прапаноўваць кніжкі, у якіх галоўнымі дзеючымі асобамі з’яўляюцца героі прачытанай казкі.
Адкрывае праект гомельская пісьменніца Наталля Шастакова, якая прачытае казку пра Вожыка і Зайца.
_001_Curved-Text.png)