Сёння я чытаю... Водгукі на кнігу Уладзіміра Гаўрыловіча "Выбраныя творы"

Раман Уладзіміра Гаўрыловіча “Цяпло маладзіка” закранае тэму кахання і вайны. Але не толькі. Любоў да сям’і, да роднага краю Палесся, да сваёй працы таксама знайшла сваё месца ў творы. Лёс галоўнай гераіні Ганны Сасноўскай ускалыхнуў маю душу, амаль выклікаў слёзы, а таксама пачуццё гонару за наш народ, нашу краіну, якая перамагла ў барацьбе з фашыстамі ў Вялікай Айчыннай вайне.

Ганна ў гады вайны па заданні партызан стала старастам у сваёй вёсцы Пралескі. Разам з сястрой Вольгай была падпольшчыцай, многіх людзей выратавала ад смерці. Бацькоў фашысты расстралялі за гэта. У час вайны Ганна сустрэла нямецкага афіцэра Аўгуста Харнера, з якім разам змагалася з фашыстамі.

“Маланка” і “Лівень” – падпольныя імёны Ганны і Аўгуста. Яны пакахалі адзін аднаго на ўсё жыццё. Але гэта было няздзейсненае каханне… Яны абодва цудам выжылі ў той вайне. Па-рознаму склаўся лёс гэтых людзей. Ганна ўсё жыццё працавала ў роднай вёсцы настаўніцай. Аўгуст стаў вядомым нямецкім пісьменнікам. Але сваё каханне яны пранеслі ў душы праз ўсё жыццё.

Дзякуй аўтару Ўладзіміру Гаўрыловічу, якога я сустракала ў час яго працы галоўным рэдактарам газеты “Гомельскія ведамасці”, за пачуцці, якія ён выклікаў у маёй душы – пяшчоту і гонар, за сувязь лёсу адной сям’і і ўсяго народу.

Мая бабуля таксама дапамагала партызанам у час вайны, а маці працавала настаўніцай беларускай мовы і літаратуры 40 гадоў. Мабыць, таму мне і было цікава чытаць гэты твор.

Спадзяюся, што гэты твор – раман “Цяпло маладзіка” – выкліча ў іншых чытачоў пачуцці, падобныя да маіх.

З павагай і падзякай, Наталля Маркевіч

Раман “Цяпло маладзіка” прыцягвае ўвагу і захапляе. Гісторыя апавядае пра дзвюх сясцёр, адна з якіх у гады Вялікай Айчыннай вайны стала старастай па загадзе партызан, але сэрца яе кіпіць іншым: яна закахалася ў нямецкага афіцэра, які бачыць у ёй не ворага, а тую, хто дапамагае людзям.

Падзеі развіваюцца ў шырокім прасторавым маштабе: Гомель, Тураў, Расія, Швейцарыя. Раман зачароўвае сваёй мілагучнай мовай і нагадвае пра важнасць роднага слова.

Аўтар: Людміла Хузеева

"Па веры вашай…" Владимира Гавриловича – это роман, который действительно берет за душу.⠀
⠀
Меня очень зацепил этот роман: он написан богатым, живым и певучим белорусским языком, в атмосферу погружаешься с первых страниц.⠀
⠀
Для меня это история не столько про прошлое, сколько про человечность, внутреннюю силу и верность своим корням. Автор очень тонко показывает, как вера и любовь к родной земле помогают героям проходить через любые испытания.

Автор: Наталья

Прачытала раман Уладзіміра Гаўрыловіча "Цяпло маладзіка". Твор прыцягвае, па-першае, сваёй жыццёвасцю: героі рамана – простыя людзі, якіх можна сустрэць кожны з нас у звычайным жыцці; па-другое – аўтар валодае багатай, сакавітай беларускай мовай, дзякуючы чаму раман чытаецца лёгка, але пры гэтым ён напоўнены маляўнічымі, прыгожымі апісаннямі прыроды беларускага Палесся.

Не стану пераказваць змест рамана. Скажу адно: у пісьменніка атрымалася абудзіць у мяне, як у неабыякавага чытача, жывую цікавасць да свайго твора.

Гэтая кніга нагадвае нам аб важнасці захавання чалавечнасці ў любых абставінах. І пра тое, што, каб ісці наперад, трэба трымаць у памяці пройдзенае…

Аўтар: Журава А.А.

Раман Уладзіміра Гаўрыловіча "Цяпло маладзіка" – гэта глыбокі і шматпластовы твор, які не пакідае раўнадушным, майстэрска пераплятаючы мінулае і сучаснасць.

У цэнтры сюжэта – незвычайная гісторыя кахання нямецкага афіцэра-антыфашыста і беларускай дзяўчыны-партызанкі ў гады Вялікай Айчыннай вайны, што надае аповеду драматызм і вастрыню. Аднак гэта не проста ваенная драма: дзеянне разгортваецца і ў нашы дні праз успаміны дзвюх пажылых сясцёр, што дазваляе ўбачыць трагедыю пасляваеннай вёскі.

Асабліва каштоўна тое, што ў аснову вобраза Ганны лёг рэальны лёс жанчыны, якая была сувязной і старастай у акупацыі, што надае кнізе дакументальную дакладнасць. Раман уздымае важныя тэмы: цану кахання, памяць пра вайну, вернасць роднай зямлі і надзею на адраджэнне.

Аўтар: Ларыса Міхайлаўна Пятроўская

Из книги Владимира Гавриловича “Выбраныя творы" я познакомилась с романом "Цяпло маладзіка". Прочитала я это произведение с большим интересом. Владимир Николаевич рассказал о судьбах жителей белорусского Полесья на примере двух сестёр – Галины и Ольги, на чью долю выпали тяжёлые испытания в годы Великой Отечественной войны. Прошли годы, по-разному сложились их судьбы. Героини романа живут в мирной деревушке, но прошлое не отпускает: не заживающая рана болит в их душе.

Роман написан колоритным языком, легко читается, мне захотелось познакомиться и с другими произведениями Владимира Гавриловича.

Автор: Тамара Ивановна Парфенкова

Раю раман Уладзіміра Гаўрыловіча “Па веры вашай...” асабліва тым, хто цікавіцца сучаснай беларускай літаратурай і гісторыяй нашай краіны. Аўтар у сваёй кнізе мяне ўразіў выкарыстаннем цікавага прёму: адлюстраваннем дзвюх эпох. Перад вачыма паўстаюць старажытныя гарады і адначасова сучасная рэчаіснасць. Мне такі прыём чымсьці нагадаў твор М. Булгакава “Майстар і Маргарыта”. Чытаеш раман у рамане. Змяняюцца эпохі, героі сутыкаюцца з выпрабаваннямі, і чытач разумее, что пісьменнік не проста супаставіў часовыя эпохі, а паказаў следства і вынік учынкаў, ставячы герояў перад спрадвечнымі маральнымі дылемамі.

“Па веры вашай...” – ўнікальны твор. Калі вы хочаце праз літаратуру зразумець, як сучасны беларускі чалавек спрабуе захаваць памяць і веру пад ціскам рэчаіснасці, гэтая кніга сумленны і глыбокі ўваход у тэму.

Аўтар: Ганна Сяргееўна Кандрацьева