герценка гомель герцена библиотека сеть публичных библиотек гомеля горбибл ггцбс официальный сайт ламинирование распечатка на советской

Версия для слабовидящих
Па ініцыятыве ЮНЕСКА з 1999 года 21 лютага адзначаецца Міжнародны дзень роднай мовы. Да гэтай даты ДУ «Сетка публічных бібліятэк горада Гомеля» прымеркавала акцыю «Размаўляй са мной па-беларуску!», якая прайшла ў гарадскіх бібліятэках ужо ў адзінаццаты раз.

У гэтым годзе акцыя пачала зімовы цыкл праекта да Года народнага адзінства «#МыБеларусьВместе».
Мова, якая нас аб’ядноўвае

21 лютага ва ўсіх бібліятэках установы на працягу дня супрацоўнікі бібліятэк размаўлялі з наведвальнікамі на беларускай мове, знаёмілі з творамі сучаных пісьменнікаў і аўтараў-класікаў беларускай літаратуры, распавядалі пра славутых асветнікаў Беларусі.

У цэнтральнай гарадской бібліятэцы імя А.І. Герцэна ў гэты дзень прайшоў шэраг цікавых мерапрыемстваў для наведвальнікаў. На сектары уліку адбылася гульня «Мае любімыя беларускія словы», падчас якой чытачы выраблялі «беларускі рамонак», перакладаючы словы з рускай мовы на беларускую і пішучы свае любімые беларускія словы. Нехта карыстаўся слоўнікам, хтосьці перакладаў злёту.

Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае


Супрацоўнікі залы мастацкай літаратуры прапанавалі чытачам гульню на веданне беларускіх прыказак і прымавак.


Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае


А ў зале галіновай літаратуры – гульню «Таямніцы слова». Пры археалагічных раскопках былі знойдзены таблічкі са словамі, якія не маюць рускамоўных адпаведнікаў. Наведвальнікам бібліятэкі прыйшлося праявіць цуды кемлівасці і эрудыцыі, каб расшыфраваць і растлумачыць гэтыя словы і ніводнае не засталося таямніцай.

Мова, якая нас аб’ядноўвае


Дзіцячая зала запрасіла хлопчыкаў і дзяўчынак адказаць на пытанні крыжаванкі «Вывучаем родную мову» і пагуляць у гульню «Загадка – розуму зарадка». На памяць аб пазнавальных прыгодах удзельнікам засталіся памятныя прызы і пазітыўныя эмоцыі.

Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае



На дзень моўнай прыгажосці «Каларытнае і трапнае беларускае слова» запрасіла 21 лютага бібліятэка-філіял №1 імя І.П.Мележа. Наведвальнікам бібліятэкі прапанавалі прыняць удзел у гульні «Як сказаць па-беларуску?». З тэматычных канвертаў «Кветкі – сонцавы дзеткі», «Хто без навукі, той як бязрукі», «Дзе ягаднік, там і ягады», «Па адзенню сустракаюць» і інш. яны даставалі малюнкі з надпісамі на рускай мове і называлі адпаведнае слова па-беларуску.

Мова, якая нас аб’ядноўвае
Мова, якая нас аб’ядноўвае


Вялікая колькасць разнастайных слоў і выразаў ўпрыгожыла ў канцы дня стэнд, на які прыклейвалі стыкеры ўдзельнікі моўнага квілта «Маё любімае слова на беларускай мове». Самымі папулярнымі сталі словы «матуля», «каханне», «пяшчота», «сям’я», «шчасце», «Радзіма».

Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае




У бібліятэцы-філіяле №4 акцыя да Міжнароднага дня роднай мовы называлася «Знаёмая мова, чароўны радок». Чытачам бібліятэкі прапанавалі перавесці незвычайныя словы з беларускай мовы на рускую і адгадаць аўтара па яго цытаце пра родную мову. Сярод аўтараў былі Янка Купала, Якуб Колас, Францішак Багушэвіч, Максім Танк і іншыя.

Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае




Прайсці інтэлектуальны тэст «Якіх беларускіх пісьменнікаў ты ведаеш?» прапанавалі ў дзіцячай бібліятэцы-філіяле №10 імя В.Драгунскага. Асаблівую ўвагу звярнулі на асобы народных пісьменнікаў Беларусі Івана Шамякіна і Івана Мележа. У чытальнай зале быў праведзены агляд кніжна-ілюстрацыйнай выставы «Пісьменнікі-юбіляры», прысвечаны 100-годдзю з дня нараджэння пісьменнікаў.

Мова, якая нас аб’ядноўвае



18 лютага ў бібліятэцы-філіяле №11 прайшла інтэлектуальна-пазнавальная гадзіна «Мовы роднай лепш няма». Вучні 11 «Б» класа ДУА «Гімназія №51 г.Гомеля» даведаліся, што з прапановай увесці Міжнародны дзень роднай мовы выступіла краіна Бангладэш. Там у 1952 годзе загінулі пяць студэнтаў, якія адстойвалі права вучыцца на роднай мове.

Свае веды па творчасці беларускіх пісьменнікаў, беларускім фальклоры, па гісторыі і культуры беларускага народа школьнікі змаглі паказаць, выконвая інтэлектульныя заданні. Яны адказвалі на пытанні віктарыны, складалі прыказкі і прымаўкі, перакладалі словы з рускай мовы на беларускую, а таксама чыталі на памяць вершы на беларускай мове.

Мова, якая нас аб’ядноўвае



Стаць перекладчыкамі прапанавалі наведвальнікам і ў бібліятэцы-філіяле №14. Удзельнікі гульні-віктарыны «сустрэліся» са старажытнай беларускай лексікай. Таксама можна было паспрабаваць сваю моц у гульні «Я вам прачытаю верш». Чытачы дэкламавалі творы «Карта роднай Беларусі» Кастуся Жука, «Наш родны край – прыгожы самы» Івана Муравейкі, «Беларусь мая» Віктара Гардзея, «Мара» Леаніда Пранчака. А каб не сумаваць і добра правесці дзень, трэба было, пакідаючы бібліятэку, узяць з сабой беларускія падабайкі. Ласкавыя, пяшчотныя словы вызывалі ўсмешку і падымалі настрой усім жадаючым.

Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае
Мова, якая нас аб’ядноўвае



Якія знаёмыя назвы і словы,
Якая цудоуная родная мова!
І усё мілагучна да слыху майго:
І звонкае «Дзе» і густое «Чаго»

Такімі словамі беларускага пісьменніка Пімена Панчанкі пачаўся моўны турнір «Пасябруй са мной, родная мова!» сярод пяцікласнікаў ДУА «Сярэдняя школа №47 г. Гомеля». Мерапрыемства адбылося ў дзіцячай бібліятэцы-філіяле №16. Удзельнікі турніра чыталі вершы беларускіх паэтаў; адгадвалі зашыфраваныя назвы беларускіх гарадоў; расказвалі, чым славіцца беларус і яго краіна; сабіралі прыказкі з прымаўкамі і тлумачылі іх сэнс; падбіралі параўнальныя словы да прапанаваных назоўнікаў; устаўлялі ў сказы прапушчаныя словы.

Скончылі вядучыя займальную праграму словамі паэта Віктара Шведа:

Мову родную беражы.
Мовай роднай даражы.
Мову родную шануй
Мовай роднай не гандлюй.
Мову родную любі.
Мовы роднай не кідай.
Мову дзецям перадай.
Мовы не аддай на здзек.
Толькі з ёю жыццё навек.

Мова, якая нас аб’ядноўвае



У бiблiятэцы-фiлiяле №17 21 лютага адбылася iнтэрактыўная кнiжная выстава «Сцяжынкамi роднага слова». На працягу дня наведвальнiкi бiблiятэкi не толькi знаёмiлiся з цiкавымi кнiгамi беларускiх аўтараў, выбіралі часопісы, але i мелi магчымасць прадэманстраваць сваё веданне беларускай мовы. Дарослыя i дзецi з задавальненнем адгадвалi беларускiя загадкi, складалi са слоў прыказкi i прымаўкi, прымалі ўдзел у гульні «Перакладчыкi».

Мова, якая нас аб’ядноўвае
скачать dle 10.4фильмы бесплатно
Дата: 26.02.2021
Опубликовано: Darya


Нашли ошибку? Выделите ее, нажмите ctrl+Enter, и мы все исправим.