У філіялах ДУ «Сетка публічных бібліятэк горада Гомеля» прайшлі мерапрыемствы, прымеркаваныя да Міжнароднага дня роднай мовы.

Бібліятэка-філіял №4 у Міжнародны дзень роднай мовы прапанавала сваім чытачам адчуць прыгажосць і смак беларускага слова, паспрабаваўшы моўны кактэйль «Павучымся беларускасцi ў класiкаў» і адкрыць для сябе новыя імёны сучаснай літаратуры, пазнаёміўшыся з выставамі «Будзь у фармаце – чытай беларускае» і «Беларускія пісьменнікі – дзецям».

А вучні 7 «Б» класа сярэдняй школы №45 праверылі свае веды падчас конкурсна-пазнавальнай гульні «Адчуванне роднай мовы». Усе ўдзельнікі атрымалі ў падарунак рэцэпты беларускіх страў.



У бібліятэцы-філіяле №7 у рамках акцыі «Прыгарніся да роднага слова» 19 лютага адбылася прэзентацыя кнігі Івана Штэйнера «Кот-ваявода: смяхотная штука».

Дацэнт кафедры беларускай літаратуры Гомельскага дзяржаўнага ўніверсітэта імя Ф.Скарыны А.М. Мельнікава расказала вучням сярэдняй школы №8 і навучэнцам Гомельскага дзяржаўнага прафесійнага ліцэя чыгуначнага транспарту пра важнасць і асабістасць беларускай культуры і мовы, а таксама прадставіла Івана Федаравіча Штэйнера як выдатнага даследчыка і таленавітага пісьменніка.

Іван Федаравіч пазнаёміў слухачоў са сваёй кнігай: гісторыяй стварэння, сюжэтам, вынаходкамі, светапоглядам герояў і агульнай канцэпцыяй твора. Таксама ён узгадаў значных дзеячаў беларускай зямлі, якія ўславілі наш край.


У бібліятэцы-філіяле №11 19 лютага прайшло мерапрыемства «Праз смуту стагоддзяў дайшло да нас слова». Вучні 7 «В» класа ДУА «Гімназія №51 г. Гомеля» даведаліся аб гісторыі гэтага свята, важнасці і значнасці роднай мовы. Сваё веданне беларускай мовы яны змаглі прадэманстраваць падчас інтэлектуальна-пазнавальнай гульні «Што? Дзе? Калі?». Каманды адказвалі на пытанні бібліятэкараў, філолагаў, гісторыкаў і нават маркетолага. Пытанні былі самыя разнастайныя: аб білбордах «Смак беларускай мовы», вядомым гістарычным дзеячы Ігнаце Дамейка, адметнай літары беларускага алфавіту «Ў», слуцкіх паясах, каменных крыжах Турава і інш. Па выніках гульні камандзе, якая перамагла, была ўручана сава.

скачать dle 10.4фильмы бесплатно