Першы значны юбілей у Год культуры – юбілей Івана Шамякіна. 30 студзеня 2016 года народнаму пісьменніку Беларусі споўнілася б 95 гадоў. Напярэдадні гэтай даты ў цэнтральнай гарадской бібліятэцы імя А.І.Герцэна прайшоў вечар-партрэт «Трывогі і шчасце Івана Шамякіна».

На мерапрыемства былі запрошаны навучэнцы УА «Гомельскі дзяржаўны каледж мастацтваў імя Н.Ф. Сакалоўскага» і УА «Сярэдняя школа №11 г. Гомеля». Хлопцы і дзяўчаты даведаліся пра жыццё і творчасць нашага знакамітага земляка. Яны мелі магчымасць паслухаць і задаць пытанні пляменніку Івана Шамякіна Міхаілу Аляксеевічу Калініну. Міхаіл Аляксеевіч падзяліўся ўспамінамі аб сваім дзядзьку, расказаў цікавыя гісторыі з жыцця пісьменніка.
Навучэнцы паглядзелі дакументальны фільм «Імгненні жыцця Івана Шамякіна», урывак з фільма «Гандлярка і паэт», зняты па аднайменнай аповесці, прынялі ўдзел у віктарыне па творчасці Івана Пятровіча Шамякіна.
скачать dle 10.4фильмы бесплатно