Привет, Гость
» » Адкрыццё выставы «Імя ў гісторыі: Дарашэвіч Фёдар Іванавіч»
  • Нравится
  • 3

Адкрыццё выставы «Імя ў гісторыі: Дарашэвіч Фёдар Іванавіч»

Категория: Новости библиотек / Анонс Просмотров: 95
4 мая ў 12.00 бібліятэка-філіял №2 запрашае на адкрыццё мастацкай выставы «Імя ў гісторыі: Дарашэвіч Фёдар Іванавіч». На выставе будуць прадстаўлены работы вядомага беларускага мастака Фёдара Дарашэвіча з прыватнай калекцыі яго сябра Івана Яковіна.

Лёс чалавека, калі ўважліва прыглядзецца да ягонага пакручастага шляху, часам ператвараецца ў летапіс эпохі. А калі гэта не проста чалавек, а таленавіты мастак – гэты летапіс паўстае перад намі як шэраг вобразаў на палатне ці паперы.

Бурныя падзеі ХХ стагоддзя – сусветныя войны, змены палітычных рэжымаў, знойдзеная вера і страчаныя надзеі, раз’яднанне і аб’яднанне лёсаў, далёкія рубяжы Сібір і Урал, доўгачаканая сустрэча з Радзімай – знайшлі сваё адлюстраванне ў багатай творчай біяграфіі вядомага беларускага мастака Фёдара Іванавіча Дарашэвіча.

Фёдар Іванавіч увайшоў у гісторыю беларускага жывапісу як першакласны майстра пейзажа, партрэта і сюжэтна-тэматычнай карціны. Прадстаўленыя на выставе эцюды, партрэты, графічныя працы сведчаць аб шматгранным таленце мастака. Створаныя ў розныя перыяды жыцця, яны сталі свайго рода ілюстраванай хронікай ХХ стагоддзя.

Творы майстра знаходзяцца ў фондах Беларускага саюза мастакоў, у Нацыянальным мастацкім музеі Беларусі, Музеі сучаснага выяўленчага мастацтва ў Мінску, Мастацкім музеі імя В. Бялыніцкага-Бірулі, музеі «Брэсцкая крэпасць-герой», Пермскай дзяржаўнай мастацкай галерэі і інш.

У бібліятэцы-філіяле №2 будуць прадстаўлены работы мастака з прыватнай калекцыі сябра яго сям’і Івана Іванавіча Яковіна. З 2005 па 2015 гг. Іван Іванавіч дапамагаў дачцэ Фёдара Дарашэвіча Людміле Фёдараўне Баравіцкай (Дарашэвіч) ладзіць выставы работ яе бацькі. Сумесна яны зрабілі 5 выстаў. Каб Іван Яковін прадоўжыў выставачную дзейнасць, Людміла Фёдараўна падаравала яму графічныя работы свайго бацькі.

Запрашаем усіх, хто цікавіцца мастацтвам, чалавечым лесам, гісторыяй наведаць выставу.

Выстава працягнецца да 31 мая. Уваход вольны

Адрас: пр. Кастрычніка, 29
Час працы: 11.00 – 19.00 / выхадны – панядзелак

Адкрыццё выставы «Імя ў гісторыі: Дарашэвіч Фёдар Іванавіч»скачать dle 10.4фильмы бесплатно
дата: 2.05.2019
автор: Darya


Нашли ошибку? Выделите ее, нажмите ctrl+Enter и мы все исправим.
  • Комментарии