Привет, Гость
» » Літаратурная вечарына «Сузор'е талентаў»
  • Не нравится
  • +3
  • Нравится

Літаратурная вечарына «Сузор'е талентаў»

Категория: Новости библиотек / Анонс Просмотров: 173
24 кастрычніка а 16-й гадзіне ў цэнтральнай гарадской бібліятэцы імя А.І. Герцэна адбудзецца літаратурная вечарына «Сузор'е талентаў».

2017 год стаў для гомельскіх літаратараў асаблівым. Запомніцца ён мерапрыемствамі да 500-годдзя беларускага кнігадрукавання, літаратурнымі прэміямі і конкурсамі, юбілеямі і новымі кнігамі. Падвесці своеасаблівыя вынікі года ў цэнтральнай гарадской бібліятэцы збяруцца члены Гомельскага абласнога аддзялення ГА «Саюз пісьменнікаў Беларусі».

Сярод іх:
– лаўрэат Нацыянальнай літаратурнай прэміі Беларусі 2017 г. у намінацыі «Лепшы твор драматургіі» пісьменнік і драматург Васіль Ткачоў
– юбіляры 2017 года журналіст, паэт Мікола Ждановіч і паэт Аляксандр Каляда
– паэтэса Іна Спасібіна, якая ў 2017 годзе стала пераможцам V абласнога літаратурнага конкурсу «Праваслаўе – мая надзея», які праводзіўся Гомельскай епархіяй і Гомельскім абласным аддзяленнем ГА «Саюз пісьменнікаў Беларусі», а таксама пераможцам літаратурных конкурсаў пісьменніцкіх суполак Санкт-Пецярбурга
– Вольга Раўчанка, якая пераклала з іспанскай на рускую мову кнігу прапраўнучкі Ігната Дамейкі, і рэдактар перакладу Эма Прыбыльская


Таксама на вечарыне адбудзецца ўзнагароджанне ўдзельнікаў з Гомельскай вобласці II Міжнароднага моладзевага фестывалю-конкурсу паэзіі і паэтычных перакладаў «Берагі дружбы» і прэзентацыя аднайменнага паэтычнага зборніка.

Падарункам для гасцей вечара стануць выступленні Сяргея Старыкава, Юрыя Казлова, Аляксея Бычкова і супрацоўнікаў бібліятэкі.

Уваход вольны
дата: 23.10.2017
автор: Дарья


Нашли ошибку? Выделите ее, нажмите ctrl+Enter и мы все исправим.
  • Комментарии


Информация
Посетители, находящиеся в группе Гости, не могут оставлять комментарии к данной публикации.